رماني حظي العاثر عليك وجيت لك طلاب!
وهلا بك دامك بتمشي معي بالعشق ودروبه٠
هلا بك قلتها من جوف قلب عاشق مرتاب !
ولو إن الهوى موت حمر ما قلت له توبه٠
دعاني رمشك الساحر ولبيت الندى بأعجاب!
وجيتك في ضمير فازع داعيه محبوبه٠
جمالك فارق ماله شبيه ولا إنقرا بكتاب!
ولا ظنه معك توفي قصيدة فيك مكتوبه٠
عجزت أحدد أوصافك عجزت ألقبك بلقاب!
دخلت بجوف قلبي ثم تربعت وقفلت الباب٠
تحكمت بنظام المخ كني بحال غيبوبه !
دخليك لا تناظرني بطرف ناعس الأهداب٠
ترى يمكن أضيع وتصبح الأوضاع مقلوبه!
وأنا ماني بناقصني ضياع أو حرقه الأعصاب٠
كفاني يا حبيب كثر زينه صار عذروبه!
مدام أنك خذيت القلب بالقوة بدون أسباب٠
تركد وأرفق بقلب بدرب العشق يادوبه!
مشيبني بشبابي واشتعل شوق الشقا
ما شاب٠
مسوي بي سوايا سيئة والنفس مسلوبه!
ولكني أخاف إن الزمن يقلب لقانا غياب٠
هذاك الحين تبتصبح حياتي منك منكوبه!
مثل منهو تغرب عن دياره بين ناس أغراب٠
هو يشكي لهم نوبه وهم يشكون له نوبه!
بغى منهو يشيل الهم عنه والرجا به خاب٠
مصيبه يشتكي ظلم الزمان لناس عاشوا به!
وأنا أخاف الفراق وسيرته لو كنت أنا ماهاب٠
يا حيث إن الهوى لعبة علي العشاق ملعوبه!

بجد يا حنين زوووووء كلك زووووء بل منبع الزوووء يسلم ايديكي

يسلموو ع الطرح المميز