لوحه من الطف

تاريخ التسجيل : 25/12/2010

لوحه من الطف

رسمت ابالي لوحة الطف الحسين
وعلى صــــــــــــــــوب الشريعه اكتبت تحذير
هنا العباس واگف لا تعبـــــــــــرون
لأن كل الــــــــــــــــــــــــي يعبر رگبته اتطير
وبداخل لوحتي الغيت الاسهــــــام
لجل ما ينذبــــــــــــــــــــــــح عبد الله الزغير
ولأن ادري الخيام ابلايه حـــــــراس
بچيت ودمعتـــــــــــــــــــــــي انگلبت نواطير
ولأن ادري الخيـول ادوس الحسين
بدلت الخيـــــــــــــــــــــــــــول اني بعصافير
ولأن ادري السبايه بحاجـــة الماي
ترست اللوحــــــــــــــــــــــــــه أنهار ونواعير

وعلى عيون الخدر خطيت ممــنوع
في داخل لوحتــــــــــــــــــــي اتصب الدموع
ولهذا بلوحتــي ارسمت الحسين
راسه بجثته ما چنـــــــــــــــــــــــــه مگطوع
ونعم داخل لوحتي الشمر موجود
لچن يضــــــــــــــــــــرب طفل لا والله ممنوع
ولأن ادري الظلام يخــــوف العيال
على چفـــــــــــــوف العيال ارسمت الشموع
والاطفال ارسمتهم عل نهر ليش
لأن ما ريد واحــــــــــــــــــــــــــد منهم يلوع
وخــــبــز يم النهر سطرته تسطير
لأن كفره الاطفال ابلوحتــــــــــــــــــي اجوع

وبأخر لوحتــــي انثرت الاحساس
وخليت الحـــــــــــــــــــــزن ما يوصل الناس
رسمت غيوم تمطر فــوگ الخيام
وعلى اشفـــــــــاف الاطفال اتنگط احساس
وچتفت ال اميه بلوحتي اچتـــاف

وخليت الشمـــــــــــــــــــر بل خيل ينداس
وخليت الطفــــــــوف تصير بستان
وعلى اطراف الخيام يخضـــــــــــــــر الياس
وعلى خدر الحسين ارسمت أسوار
لأن صعبه بلوحتي الخــــــــــــــــدر ينگاس

ورسمت حسين گاعد وسط العيال
ورسمت الراية وسط اچفــــــــــــــوف عباس

شكراً ألى الله الذي رزقني هذا

خادم الحسين (ع) ان شاء الله

الحقير الذليل الى الله