ولشوق , الغلا , انت , كله

انت الغلا ولشوق كله





انت الغلا ولشوق كله والاحساس,,,*_^



لك وحشة : ماهي لغيرك من الناس
أنت : اللي بس أقدر أسميك غالي

انت الغلا ولشوق كله والاحساس
وانت الجواب لغايتي ياســــــؤالي

انت الذهب وانت الفرح وانت الالماس
وانت الوحيد اللي بقلبه صفالي

اشتاق لك مع كل نسمه ونسناس
وأتووق لك لاحن غصن ومـــالي

وأتلهفك لاجيت بالقلب عساس
وأزدان عشبك بالضلووع الخوالي

من قبل احبك وانت طيبه ونوماس
واليوم كلك : صرت لي راس مالي

حبي لكم ماله معايير وقيــــــاس
وغديركم عندي : قـــــراح زلالي

ماهو بحب أقلام تكتب بقرطاس
ولاحب قدره مرتبط بالريالي

حبً : بنيته ياحبيبي على ساس
يحيط بك : لاهب برد الشمالي

مالك بهالدنيا مماثيل واجناس
ولالك على قلبي شريك بحلالي

ياغايتي : والشوق بي مثل الامواس
يقديبي بين الرجاء والوصــــــالي

إما تجيني : وانت قدرك على الراس
والا اجيك بلهفتي واشتعـــــــــالي