يلا نسامح بعض

تاريخ التسجيل : 12/08/2012

السلام عليكم ورحمه الله وبركاته

التسامح
من اجمل الكلمات اللى لو اتمسكنا بمعانيها حنعيش احلى حياه
حلو اوى لما حد يضايقك وتستغفر ربنا وبعد كده تقابله بابتسامه جميله منها انك مكتسبتش عداوه انما انت كسبت حب ربنا ومره على مره حتكسب اللى ضايقك فى يوم
ويا سلام لو اغتابك مثلا وعرفت وكان رد فعلك انك مش عاتبته لا دانت اديته هديه جميله على فكره الهديه دى حتكون مش حاجه غريبه لا دى ليها مغزى جميل جدا لما هو مثلا اتكلم عليك انت خدت حسنات من كلامه ده وطبعا ده دليل ان ربنا بيحبك فتشكر ربنا ازاى على الحسنات اللى جاتلك من غير مجهود تديله هديه وتقابل الاساءه بالاحسان
"وده حصل مع الحسن البصرى "
والله احساس جميل جدا
اللى جربه هيفهم معنى مقابله الاساءه بالحسان بس اللى عايزه اقوله ان الواحد فينا لازم يكون متسامح
تسامح حد زعلك ....حد ضايقك.....حد سببلك جرح
لانك لو سامحت ربنا هيحبك وهتقدر تعيش لانك مش حتبقى زعلان يعنى لما نسامح احنا اللى هنرتاح
جرب كده لو حد جرحك تتصل بيه او تروحله بيته وتدخل عليه باجمل ابتسامه وده مش ضعف شخصيه ولا موقفك ضعيف او انت قليل لا دانت اكبر بكتير وعندك تمسك باخلاق حبيبنا المصطفى "صلى الله عليه وسلم"
هو هيستغرب شويه بس بعد كده ممكن تبقى انت سبب بانه ميجرحش حد تانى بعدك ويا سلام بقى لما تشوف نتيجه ابتسامه ومبادره جميله منك
ممكن تبقى فى الدنيا بان حال الشخص ده يتغير
وممكن فى الاخره تبقو سبب دخول بعض الجنه
والله التسامح ده جميل جدا
وبيخلى الواحد قلبه صافى
وكانه طاير فى السما
وبيزود الحب بين الناس
وتبقى سمه تقرب الناس ليك
وبيخلى فى قلوبنا رحمه وخير
وبيلين القلب
وكانك ورده عبيرها يحسه كل اللى حواليك قريب كان او بعيد
وممكن تبقى سبب سعاده اللى حواليك
والحب هيملى قلوب الناس والخير يملى الكون
ياريت تبقى قلوبنا كبيره ونرحم نفسنا بالتسامح
دلوقتى لو كنت زعلت من حد انا مسامحاه من قلبى
ولو كنت ضايقت او زعلت منى حد ياريت يسامحنى ولو كان اسلوبى او طريقتى فى الكلام زعلت حد منى يسامحنى ولو حد شايف فيا عيب يقولهولى وانا هحاول اصلحه باذن الله
انا اسفه ان الكلام مش لغه عربيه ولا فى ايات قرانيه ولا فى احاديث
حبيت بس اوصل كلام نفسى اقوله
معالنصرةديننا
يلا نسامح بعض 224772588

تاريخ التسجيل : 08/09/2011

موضوع في غايه الروعه

سلمت اناملك

يلا نسامح بعض 829528