السلام عليكم ورحمة الله وبركاته




مساء الورد على عيونكم جميعا







صداقة واخوة وقلوب بيضاء


اجمل احساس لما يكون في حياتك شخص مميز جداا

بتجمعك بيه اجمل مشاعر الصداقة والاخوة


وبينكم حاجات جميلة مشتركة وصدف اجمل واجمل

بتظهرلك قد ايه القلوب عند بعضها وان الي بينكم صادق جداا ومميز جدااا

اكيد مفيش احلى من الصداقة ومن الاخوة

لانها بالنسبالي انا شخصيا ارقى وابقى من اية مشاعر تانية

شيء رائع لما تلاقي صديق واخ كل هدفه انه يفرحك

شيء رائع لما تكون مطمئن لوجوده في حياتك

لان صداقتكم واخوتكم بتخلي حياتك جميلة اوي

شيء رائع لما تقعد تفكر انت كمان ازاي تفرحه وتسعده


وتبسطه بكل كلمة وبكل حرف

شيء رائع لما صداقتكم توصل لاحلى درجات السمو والرقي

عشان انتوا الاتنين قلوبكم انقى من النقاء نفسه

صداقة واخوة بيضاء و ذات نية صافية جدا جدا

بصراحة انا كان نفسي اقول كثير وكثير وكثير

لكن مش كل حاجة بنحسها بنقدر نكتبها

لاننا لو حاولنا نترجم مشاعرنا الاخوية النبيلة الى كلمات

هنكون بنظلم المشاعر دي اولا وبنظلم الطرف الاخر تانيا

احتمال كثير منكم مش جرب الاحساس ده لكن انا واثقة

هييجي يوم كل واحد فيكم هيعيش الاحساس ده

وساعتها اتمنى انه يقدره كويس جدا جدا جدا

لانه بيكون فرصة لا تعوض اطلاقا




صداقة واخوة وقلوب بيضاء