دمع زينب على زنودك جمـــــــر ينزل عتب يحمل على وعودك
يبو الاحساس كلام الناس يأذيني على الجفين اسألك وين دليني

........

يعباس الاخت مهيوبة بخوتــــــــها
اذا جار الزمان و راد ذلتــــــــــــها
عجيبة إلعدها مثلك تجري دمعتــها
على عنادك تشوف عداك ضربتـها

يــمــن رايــة عـــلــي بـيمــنـــــــــــاك
خلص صبري بعد خدري اجيت انخاك

يضـــــتي عيــناي تعـال وياي حاجيني عـــــلى الجـــفين اسألـــك ويـــن دليني

........

اجه السلاب يمي يالغيور افـــــــــزع
اخت عباس قلته و ما قبل يرجــــــــع
ضحك من شاف حالي وشاهد المدمع
يقول على النهر كفـــالج اتقطــــــــــع


على الشاطي يليث الغاب
اجيت اركض قلب ينبض
ألم وعتاب


يزينب قال اشوف الحال اعذريني عـــــلى الجـــفين اسألـــك ويـــن دليني

........

يمن دقيت صدرك و آنه طاوعتك
ابد عالبال ما چانت تعوف اخــتك
اجوني إلخيمتي مرعوبة حشــمتك
شفت بس إلضرني وانت ما شفتك

عجب نايم يسيف الموت
سكن ونك و لا چنك
سمعت الصوت

ولتني اعداك اضل برجاك حاچيني عـــــلى الچـــفين اسألـــك ويـــن دليني

........

عجيبة شلون تقدر تبتــــــعد عــــني
انا منك جزء وانت جـزء مـــــــــني
عشت ليلك سهر لو ما غمض جفني
اذا گلبي انجرح گلبك يألمنــــــــــــي

يبو فاضل عشت وياي
عمر حتى صرت انته الهوا و الماي

اروح وياك جمر فرقاك يچويني عـــــلى الچــفين اسألـــك ويـــن دليني