عجيبة شلون ما هز الخجل لسيوف "

مو راس انقطع ويحزه حد السيف

آيات وسور بالسيف تتقطع

ومو صدرك أبد جانت تدوسه الخيل 

تفسير الكتب بالحافر تذبح

عجيبة شلون ما هزها الخجل لسيوف 

من ضلت تحز بنحركك وتقطع ؟

وعجيبة السيف من لاح على نحرك ما نهض من شاف

آيات الجليل بوجهك انرسمت

وعجيبة الخيل من داست عليك شلون 

ما شافت محمد يمك ممدد

وعجيبة الماي عصى أمرك ما رواك شلون و

يدري بدعوتك يحسين من سابع سما الكوثر إلك يمتد

وعجيبة شلون ما مات النهار بموتتك يحسين 

من شاف الفجر برماح يتشيد ؟

وعجيبة شلون راسك ع الرمح مرفوع 

هم شفت الجبال على الرمح تصعد ؟

مو راس انرفع قرآن فوق ارماح 

و آيات و سور بصوت العدل تقرأ

قرآن الجليل على الجبل خلوه 

خجل حتى الجبل من عنده وتصدع

بس راسك عجيبة شلون فوق رماح 

ما طاح الرمح ع القاع وتقطع ؟

و ما جتك سحابة ومطرت السجيل 

و ما نزلت شهب من شافت المصرع ؟

وعجيبة شلون ثلث أيام جسمك ع الثرى ممدود ..!!

ما نهضت القاع وضمدت جرحك ؟

وعجيبة شلون ما قام ونهض عباس 

من شاف العقيلة على النحر تنحب ؟

وعجيبة شلون مقطوع الجفوف على النهر ممدود ..!!

ليخوف المنايا ببسيفه من يغضب 

يا سبع القناطر بالحرب سموك 

صدق طاحت جفوفك وع الأرض تمتد ؟

تشهد لك قناطر بالحرب عباس 

من تخفق بسيفك ما تطيح رووس

شياطين و قناطر ع الأرض وقعت 

من طيحوا جفوفك ع الأرض مولاي

ما رجفت القاع وبيهم انخسفت ؟!

و ما ردت جفوفك للزند عباس 

من قام الحديد عليك يتصلب ؟

وعجيبة شلون قصوها الجفوف لبيها عزرائيل ..!

خناق الزلم عباس من يغضب 

أنا ما اشوفن جفوفك ع الأرض مولاي

أنا شفت السماء بذبحك انذبحت 


أنا شفت السماء بذبحك انذبحت