-كنت نحسبك غالي للأسف طلعت اغلى من غالي معليش متزعفش انت بوجهين مرة قمر و مرة بدر و مرة اغلى من ثنين

-هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية

-يما يما ديريلي تويقة في وسط الحديقة باش نشوف زهرى كي تجيبو ذيك الوريقة

-دخلت طرف جنان فيه سواقي جراية شديت عود الريحان وقلت يا مولايا أعطيني في هاد الزمان وين نصيب مرضايا جاتني حبة رمان في الحين أو جابتلي دوايا

-عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة

-حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة

-
جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي

-انا وردة في الكاس يضاربو عليا بالمواس على جالي دخلو الحباس

-الناس كسبت الشطب والحطب وانا كسبت الطير اللي منقارو فضة وريشو ذهب

-دارنا في الجبل ، مقابلة مكة ، مفتاحها من ذهب ، يشعل ما يطفي

-غالي غالي والغالي ربي مهما تروح وتبعد محبتك في قلبي

-العازب طلع والعازبة طلعت تنشر تلاقيت العين مع العين والقلب تكسر

ايا ياااا يطيك الصحة بتوووول (merçi bcp)

شكرا لكم