بضيعتنا الضحكة بتحلا
بتعلا للغيم ويمكن أكتر
والنجمة تطل من بعيد
تتمنى لو ترجع تصغر
تلعب مع طفلة بضيعتنا
وع سطوحا تغني و تسهر
الفجر بضيعتنا عنبر
العمر بيمرق...!!
كيف ...؟
ما بتعرف
ما بتشعر
بضيعتنا كلشي مقدَّر
كيف ما بتنظر
خد مدوَّر
بدر منوَّر
روض مزهَّر
صبية متل السكر
بعيونا السحر بيسكر
زغاريدا بتلعب ع البيدر
بلمسة إيدا الكاس بتخمر
كل ما عطشت بتشرب أكتر
كل ما طلبت تقلك ... تأمر
بنت الضيعة ... طفلة صغيرة
بتنسى تكبر
قلبا أبيض ما بيتغَيَر
كل ما بتغلط هي بتغفر
ما بتتكبَّر...
ما بتتنكَّر ...
ما بتتزمَّر ...
ما بتتكدَّر...
قلاَّ بحبك
تحبك أكتر
وحبا أكبر ما بتتصوَّر
حبا طاهر ما بيتعكَّر
رمش عيونا متل العسكر
وردة تحرس خدّا الأسمر
نحنا والله ... ما تغيرنا
بس الزمن ... يلي تغيَّر

تسلم خيو ماننحرم من طلتك الغاليه