خــل الـمـشـاعـر تـرقد بـعـالـم الـصـمـت ..~

تاريخ التسجيل : 24/08/2011

عليك صبري ياحزن كل ماهمـت
. . . . مع الخيـال و كـل { ذكـرى } قريبـه

والموت لامن حار دمع و تبسَمـت

. . . . يطغي عليَ العـز و{ تصيـح } هيبـه

ودنقت ثم افقد شعـوري وسلَمـت
. . . . للدمع حالي { ليـن } يبطـي صبيبـه

يا صاحبي قبل الحكي لـو تلعثمـت
. . . . ضاقت صدور { اهل } الصدور الرحيبـه

وش ينفعك عقب البطـا لا تندَمـت
. . . . وين انت عن صوت { الخفوق } و نحيبـه

كم لي انادي لك و لكن تفهمَـت
. . . . ماكل شـي ٍ { خاطـري بـه } بجيبـه

لاتعتذر للجرح و البعد مادمـت
. . . . فرطت في قلـب ٍ { تغشَـاك } طيبـه

صعب التفت وارجع ليامن تقدَمـت
. . . . منت بنصيب الي { رجا بـك } نصيبـه

أسرفت في جرحي وانا ماتكلَمـت
. . . . وقلت الخطا { وارد } و قلب وحبيبه

ماهي مصيبه لو خطيت وتعلَمت
. . . . تخطي و { ترجع بالخطا } ذي مصيبه

ولاهي غريبه إن جرحت وتألمت
. . . . لكن بجرحي { تبتسـم } ذي غريبـه

واليوم مالي بـ/ الهوى لو تكرمت
. . . . و جرحي مع الايـام { بلقـا } طبيبـه

خل المشاعر ترقد بعالم الصمـت
. . . . و الحب بعد اللي حصل { لاتحكي } بـه

خــل الـمـشـاعـر تـرقد بـعـالـم الـصـمـت ..~ 126656

خــل الـمـشـاعـر تـرقد بـعـالـم الـصـمـت ..~ 126656

تاريخ التسجيل : 13/09/2011

تاريخ التسجيل : 08/09/2011

تاريخ التسجيل : 24/08/2011