أوكَف الموصِل إلي ماخِذها وين .... الكِصب مايرضى تِكطَع سُنبُلَه
روح لابن سعود كُلَه إلعب بعيد .... ولا يِمِد إيدَه عَالْ مو إلَه
إتْخَسَه ما مِحتاج عِفَّتْ قَندَهار .... الموصل من الأول صِباها مشَّيِلَه
خافْ كالولَك مُجاهِد قَشْمروك .... سَوَّوْ بعَقْلَك إلما تِتخَيَّلَه
السنِّي والشيعي إشْجِنَوا تُطْلُبْنا ثارْ .... والمسيح إشسَّوَه تِفتي بمَقتَلَه
يا مفرق ماتسد لا والحسين .... الزعل يومين ما نتحمله
مامصدك شوفنا بوكت الصلاة .... وجتف اليمي واديه مسبله
ياغبي اسرائيل عدهم شغلوك .... انته وامثالك حمير المرحلة
بدلولك ورقولك سلحوك .... مطمئنين بركبتك سلسله
روح رجعها لحيتك عاليهود .... تبين اللحية اذا مستعمله
خاف ما تعرفني روح اسأل ابوك .... فكرة عن صولاتي يعرف من هله
جنت اذابالنوم أمر بعينه طيف .... يكعد من النوم يقرة البسمله
انه اذكرة بخيبر المابيها باب .... وشردت الخيل وبقايا الراجله
انه الاول وانته من قامة اخير .... واني ماضيك اعرفه باكملة
الموت يعصرني نعم مو حتى اموت .... حتى يشتم بيا عطر المرجله
جايني برجلك صِدِك !!!! لا اني اجيك .... شرك الجبته اريد استقبله
عندي ضربة من ابو فاضل من زمان .... كالي انطيها لكرايب حرمله
اني الانشد بالصلح رايه خضار .... واني ليسموني راعي الاوله
اني المحجب القنابل بالضلوع .... وكامت تسميني خوية القنبله
من ثرت صاحت ملائكة السماء .... الظاهر اهل الارض عدهم مشكله
تاخذ الموصل افااااااا وانه ابن ابوي .... من ارد خالي شكل لكربله
اداينتلك قارعة يوم الحساب .... الله مايبخل عليا بمسأله
كفتك كفت اذا لا هم اروح .... ارفع جفوف واجيب الزلزله