ادفني بخاطرك وحييني من تشتاك 
وقنع لوتصدني بنضرت اصتصغار
غير العاشكك يحلم بيته تعيش
اخذ وياك واحد يحلـم بتذكار 
يلـم غير اطباعي من الرزن لريش
الكَلب مثل الجبل هسه على جيتك طار
لن انت المو حلو ما خابص النظرات
ولااني الغشيم الماعرفت اختار
اناس من الملامح تعرف المضمون
والعاشك يبين بوجه المشوار 
شضم اسرار حبك وانه صرت بحال 
ساكت والحجي يوصل سابع جار 
من تبعد عليهَ النسمه احسه تعيل 
واعارك باليسلم و العليَ مامار
اذا استفتح بصوتك يوم رزقه يزيد
وابيعن ضحكتي للجاي ياخذ ثار
من امشي ويه غيرك مو دكول يخون
اماشيه اريد اعرف مابديت اتغار
تجيني على زندك مره اريد ارتاح
انا مهجول اجروحي ورايد استقرار
وعني الجنت احبهم والوفاهم ضاع
اسولفك واقيس شواصلتني اخبار
هاي اسماء ربنا العابره التسعين
اكثرهن ذكرته بحلكي ياستار
جبت عمري انغدر محتاج امن بيك
واخذ راحتي وماضم عليك اسرار
كتلني الخوف كبلك جنت احب انسان
من اريد انطيله ظهري اتشهاد واندار
ورجعني طبيعي اتقيد اني اهواي
عشت ويه اهلي مثل الجايهم خطار
اريد وياك اغامر واكسر المحضور
واتمرد على اليحجولي بس على النار
انا اتفائل بحضنك ذنب بس بي خير
واميل لحر جهنم لان حضنك حار
من افوت الجنتك لنار اطب مرتاح
حاضن على اقل لابايك ولا باك

موضوع في غايه الروعة

شكرا على هذا المجهود القيم
 
ننتظر المزيد من هذه الابداعات بشووق
 
سلمت اناملك الذهبيه