فرق بين اليسرك والتسر بيه وحذاري منليكلك سرك بير
واذا مايك تلاطم فوك الجروف اكيد العله بجفوف النواعير
طبيعي اليمشي يعثر تغدر الكاع ولاكن موطبيعي اليزحف يطير
واذا كلك حمامه تعاشر غراب يصير تكلي خلفتهم عصافير
زمانك مركب وصير انته لشراع واذا رايك تضبطه بكيفك دير
على متون الصبر قيس المسافات لان بس بالصبر تكضي المشاوير
وغشيم اليكضي عمره يعاكس الريح لان ريحك شماته وماتحب خير
فقير الايده مدهه ويشحذ الناس ولاكن اشرف من اهل الدنانير
على فاد الدفاتر وابنه شبعان وجهالك بالفرص تاكل طباشير
فرق بين اليبوكك وانته نعسان وفرق بين التحرسه وهوه سكير
واذا باكك حرامي وماكسر باب اكيد دلي البوكه النواطير
وانصحك خاوي ربعك وردي اوصيه يضم لسانه من تحجي الشواجير
ولا تحلم تطير وتركع الغيم صغير تشوفه كوه شما عله الطير
وكتنا تبره منه ويا وكت هاذ وكت خله الردايه تحاكم زين
وكت خله الحيايه لتحكم الغار واني ادري الحيايه تحب زواغير
تصح جلمه صدك بين العبارات ولاكن تطغي علجلمه التعابير
كلامك خله واضح واقنع الناس لان بس الجبان يدك بسامير
وابالك بالمجالس زلة لسان لان ربعك رزقهه على التقارير

نايس