الحلم كبرن جناحه الجنت اشوفك بي
الخذك ما كفه طولك خذ الحلم وياه
الخذاك من الكَلب جر اثنعش شريان
اثنعش معصوم جر من كَلبي من جراك
صبخه وجوه ناسي وانتَ ضلك ماي
الذنب ذنب الغشيم من ارتوى وبداك
أشتم ريحتك وأحضن الحضنوا بيك
واشهك شوفتك كلما يمر طرواك
يـعرفــوني عليك العــــرفـتهم بـيـك
وتريد ادموعي أكَضهن وانسى وأتلافاك
الحلم بشفايفك هسه على طولك نام
حرأمات الخذاك بكَلبه ما خلاك
أريــدك رأضي بعيوبك وخل يــحجون
هو العنده مثلك عيبه من يــــنساك
تمشي ابالي بس نكَلت أجدامك وين
ما احس بيك جا غير اعرف شمشاك
ابيش تــريد أحــلفك واَنه أحــلف بــيك
شوفتك الخير وشوفتني أكَفاك
جنت من بيتكم تطلــع بكَــــلــبي تفوت
جدمك ما عثر يـــم غـــيري من وداك
جواز انساك بس ياهو الاسافر بي
المحطة الما تشبهكَ بيها اَثر فركَاك
بجيني: الهوى من يبجي يشهك ناس
يل مبجي انتضاري ارد اضحك بملكَاك
الدمع يم المكَابر سالفة مشتاكَ
واَنه لجلك بجيت وهو اجه وبجاك
تشرب صحتي واَنه بصحتك ارفع كأس
وأعزل صحتي من أشرب وأكَولك هاك
خسرتك منتصر والحرب واقع حال
الخذاك احلف عليه ما عرف طعم اشفاك
الغصن كلمه وحجي الشجره يتفرع فوز
حجيك وينه ما طلعته من باساك
دواي ومشتهيك المــرض مابي عـــيــب
أشتهيـــت أتوسلك يل وجهي جان ادواك
بثكل الميل خطواتك وياه تفوت
عاد استحي كَبالي استعجل بممشاك
عكَــــال الما يــطــيح فصل هو يــطــيح
وانتَ عكَالي من أطيح اطيح وياك
الخذاك بعمره ما عابرله دورة ميل
واَنه الليل خلصته أقرألك و أقرأك
صوج العين من تكبر الاَيد تشوف
واَنه أثنينهن ضاعن لهذا ذاك
اَنـــه الـــغــلــطــان والله أتــــذى من أشـــــــتاكَ
فــــــــدوه أرجـــعـــلي ما باقـــيلي وكـــت أنـــســاك
يل اموديـــلي صوتـــك جــان اجـــيـــــت ويـــــاه
اَســــــف~ أســـف يــمكن الخــليته ما خـــــلاك,,,,,