يوسفنا

تاريخ التسجيل : 25/12/2010

يوسفنا جاي من
الشجر
تمرات تسد
رمق الجياع ..
يوسفنا حين
ينزل مطر
يتمد في
كل البقاع ..
ايدينو للأيام
سلام
طفايه لي
نار الصراع ..
عينيهو للعابرين
دليل
نجايه من درب
الضياع ..
يوسفنا
نحن نكون
بعض
ايدين تصفق
للفرح ..
برقين نشق جوف
السما
و باب ابتسامات
انفتح ..
لا بيني لا بينك
سراب ..
يوسفنا اقوى من
الغياب ..
وكتين تسد
طاقات رجوع
انا ليك بفتتتتتح
ألف باب ..
يتراقص الندى
و الفراش
يتقالدو الغيم
و التراب ..
بيناتنا يمتد
السماح
من روحي
بخلقلك عذر ..
كل الوفا الماليني ليك
دفق علي
انبل صبر ..
احساسنا
ما ظنيت يموت
لو حتى
ضمانا القبر ..
يااااا كل
زغاريد البيوت
القاجه بي جيتك فجر ..
ياااا واحـــــــــدا"
في الروح
عشـــق
ميعادنا
عننا ما سهـــى ..
ماضيك
و لا ذنبك بقاك
ما دامو جواك
انتهــــى ..
قول للمواجيد
المعاك
أهي دي
الحبيبه البشــــبها ..
و وريهم اننا
زي بعض
في الريده و
الصدق البـــها