قصيدة اجه الياخذ مكانك

تاريخ التسجيل : 25/12/2010

متحل العشك بمكبرة انتة وشوف
الجماجم من تحن فوك الكبر تصعد
اجة الياخذ مكانك وردلي عمري الضاع
وزرع يابس عشرتك والغصن ورد
بمحطت ذكرياتك بس كفة وتأشير
وصوت اطفال تبجي ويمة سطرت خد
مبارك والخذاك بعمرة ميحس بيك
مو مثلي علمودك حيل كَلبي نهد
المضاك الشرف عندة الشمس بت لليل
مو صوجة ولاكن مايصدكة احد
المانايم الليل بحجية الف خفاش
تلكة وعين لليلة من السهر ترمد
وهم من الظلمة تشعل شمعة من دخان
علي رده بضوة ومو ضوة للون اسود
البروحة نبي بحجية اشهك القرأن
والبراسة محب عن ياعشك يرتب
انتة ورحت مني خيالك اخذة وياك
مثل ما انة وحدي خيالي ما الة احد
لا تمرلي بوكت عاشرت بي شمات
ماتسوة رجعتك مر وكتهم وعد
جابولي شمس خرسة وتفز بلليل
ماكفة ضحكهم عبروا ابعد حد
هسة تريد ترجع ؟؟ رجع الخانوك
حتى اضحك ضحكهم واعبر ابعد حد
وطفيهة الشمس وشعل بروحي غروب
وسر فرد الليل واحترك وبرد
واغفي اذني اعلة صوتك واحس طولي يميل
ونكت ثوب خلكي الرهم شد بشد
واكلهم من جاني بروحة ماكو احد
واكلهم علغصن شفت الاسد غرد
جبتلك مستحة بية الهوى يعرك
جبتلك خلك شايب من بخت منشك
واكلهم غربلت بس غربلت بعديش
الباب الجنت اسدة بوجهي ضل ينسد
الميحس بالبرد بحجية يطلع صيف
عكس المايحب لو بالجمر يبرد
يالمحتاجني جنت انة الك محتاج
من حبيت غيرك جاي تطلب رد
يالشاغلني بيك بغيري شو مشغول
صوجي اني لعشرتك كون ناصب حد
مارديت ظلك من علي رديت
طبع بية المكابر ماترجع احد
اليغرك بالنهر يتصارع وي الموت
ويتعطل نفس من يشم ريحة يد
علة كبرك حلم بي واهس المفقود
بكلشي اذكرك موضوعي ماينسد