يداعبني بهمساته و يذوّب خافقي بدفاه ...!

تهادى شوقه لقلبي وحرّ الوجد في لقياه
يعانق شوقي احساسه واحس النبض بانفاسي


شهق قلبي معَ حْضوره..وتسترسل حروفي آآآه
أبسأل بس وش قصة شعوري ولهفة احساسي


يداعبني بهمساته و يذوّب خافقي بدفاه
يسيل الما وتورق بي غصون ٍ حيل يبّاسي


يعذبني بنظراته وانا الشفقه على لاماه
ويتغلغل رسول الحب يسرق كل هوجاسي


وأصيح بلهفة المشفق ياويلي آه يا لباه
وعشاق السهر سمعوا حنيني له فالاعماقي


وتزهر دنيتي لهفة مدام ان دنيتي دنياه
ويتل بحبه احبال الغرام ونبض قرطاسي


انا اللي ضامية حب ٍ ابد ماله طعم لولاه
ابغرق في بحر حبه ومن راسي إلى ساسي


ابي يطعم غلاه اللي سكن بادنى الحشا واقصاه
ابي أسقيه من روحي لجليدمنهوى كاسي


ابي يشرب جميع الشوق مني بالهنا وابغاه
يجيني ويروي عروقه غلا ماله ولا قياسي


اشوفه في تقاسيم المحبة والوله يكساه
وقدره والله اني شايله قدره على راسي


ويسري عقرب الساعه وروحي تزهم وتنخاه
سنيني لك وتبخل في ثواني ليه يا قاسي؟!


يراضيني وتتغنج حروفي في بحر معناه
حقيقة ماعرفت اشرح شعوري ولهفة احساسي؟





مما لامس احساسي أعذب احساس