السَــلامــ عليَـكمـ

صبَــاحكم .. / .. مَسـاكم بالـشعــر آحلى

قصيـدة أَتَمنى إن تَـرتقي لذائقتكم الراقيَـة

.


يُمـَه .. ذبحني بغلاه ... وطبـعه الهـادي


هو صاحب الفضل في هالعشق ... والمنة







مـدري انا الـبادية .... والا هــو البـادي


بس المـهم الهـوى فيـنا غـرز سِنـه







والله مـن يـوم عـرفه باسـمه انـادي


وجـوارحي كلهـن يُمـَه .....يـلَبِـنه







يـُمَه.. وربي.. انا مـالـوم حـسـادي


ادري بهـن حــاولن بالكـيد يغـونـه







وهو يتحمل غثـاي ... ويعـشق عـنادي


يمـوت بي موت وغـيري ما درى عـنه







يُـمَه تمـاديت به..... والقـلب متمـادي


ومشـاعري ضـيعن قـلبـي ... وذلنـه







من قبـل اعرفه وقلـبي بالهـوى غـادي


وعقـبه عـرفت النعيـم وريحـة الجـنة







يمـه فـراقـه تـرى مـاهـو بمـرادي


غصـبن على وعلـيه! الوقـت حـدنـه







ادري الهوى شـين ... لكـن ربي الهـادي


يمكن يجي يوم وانـسى ... بس مااضـنه





شـابت عـيونه على فـرقاي ....وبعـادي


وذابت حـوايف خصـر سلـمى من الحنـة





اقول خذني.. " من الوادي ... الى الوادي "


ويقول بس اركدي... والـدمع يـخفـنـه





وركـدت يُمـَه ... ولكن طَـوّل ركـادي


مـتى البشـاير يجـن قلبـي يهـزنه ...؟!





اقـلق مـزاجي هـواه ... وعكـر رقـادي


وعـروق قـلبي.. مـن النـشوة يحـزنـه





افـز من عـز نـومي.... بحلمي انــادي


اوِن بإسـمه ... وتـرجع لإذنـي الـونـة





اللي عشـق غـير خلي ... بالهـوى غادي


واللي عشـق غير خصري ... بايـخٍ فنـه







يُمَه يقـولون " عشـق البنت " مو عـادي"
والا الـولد لو عشـق يمكـن يجي منه ...؟!



دمتَـم بطـهر الشـعر