ذا الصوت , با أغلى البشر حي , يامرحبا

يامرحبا با أغلى البشر حي ذا الصوت






يامرحبا با أغلى البشر حي ذا الصوت
مادام لي قلبن يبيك وتبيني
لاغاب صوتك يصبح الجوف مكبوت
أنا من آلآنفاسك خذيت أكسجيني
البعد برد وهمسة شفاتك الكوت
صوتك موسيقى لحنها محتويني
لو تاخذك لندن وتاخذك بيروت
هذا انت بين عروق قلبي وبيني
حبك حياه وماأنتصى فيه مبخوت
يامتهمني لاتكبل حنيني
لو الفقر يحرم يديني من القوت
والله ما اكل غير مكسب يديني
نفسي لها مقدار والذل ممقوت
هذا اللي وصوني به والديني
من كثر ماحبك على القلب منحوت
آخاف اسمك ينقرأ في جبيني
دونك حرس ورماح وقصور وبشوت
وأنا اعشق الكايد من اول سنيني
لا واللذي نجى نبيه من الحوت
مااختار غيرك دام قلبك خديني
دايم تقاطع كلمتي خلها تفوت
أخاف تفهمني خطى ياضنيني
يعني لــيامن قلت لك جعلك تموت
خلني اكمل جعلك تموت فيني
وان ماعجبك الحكي يامنبع التوت
الحل عندي والغلا مكتويني
تعال واجهني بلا همسه وصوت
خل السوالف بين عينك وعيني





لا إنتهى العَصر و بدا الليلْ و ظلامَه
و الهدو خيّم على روسْ المبَاني
ياردْ الهاجِسْ على الحُوفْ و مقامَه
بينْ مِطلاعْ النّفسْ لينْ المحاني
آتزاحَم و آخر آمالي غمَامَه
شِفتْ ماها صَبْ لكنْ ما سقَاني
لذة الدنيا قبل يوم القيامه
ماتساوي لوعتي ولا حناني
صاحبي وإن جاك من قلبي ملامه
تعجبك ولا تحملها عشاني
صاحبي والجرح لو توجع سهامه
اشكرك واثني لك أنواع التهاني
كم رفيقن من هيامي في غرامه
قلت ليت الهم قبل يجيه جاني
من غصون الجرح غنت لي حمامه
تسجع بصوت العذاب وماكفاني
اعرف الانسان من منطق كلامه
وأدرس الكلمه قبل تاتي لساني
كل شي إلا المعزه والكرامه
من رخصها يرتخص والعمر فيني
وإن حكى فيني من الغيره هلامه
جعل ربي يبيح منه لاقفاني
كل شخص آقدره واعرف مقامه
دام له في خافقي بحر ومواني
والله ان يبقى غلاه وإحترامه
دامني لاغبت يحفظ لي مكاني
الهنا والعافيه راس السلامه
مايثمنها سوى قلبن يعاني
آخر الدنيا قبر وآمتار خاما
والحزن ساعات والفرحه ثواني
دام ربي حط آجر الابتسامه
والله إن اضحك ولو عيا زماني