ياصاحبي جيتك ولاني محايــــــــــد

بقول لك هرج يجعل الخطوه سديده

حر ولا آقع على كل الطرايـــــــــد
صيدي سميمن وصيد غيري هريده

جراح ياجعلك من الشر بايــــــــد
ويا جعل سنينك في هالدنيا مديـــده

الشعر سبك وحبك ماهو بدايـــــــد
ومثلك ما يعجز عن بدع الجديـــده

انا افهمك واعرف ويش انت رايد
شاعر وافك رموز بيوتً عنيـــده

كان الفوايد توجدها وجايـــــــــد
الفايده تبغى التعب لا المكيـــــده

خلك على وضح النقاء والعوايد
وتمسك بدينك وحب العقيــــــده

وفي شاعر المليون شفنا المكايد
كلن يكيد لصاحبه يبغى يبيـــــده

وحنا هنا نزرع مانبغى الحصايــد
وإن جاء حصيد فحبنا هو حصيده

فل الحجاج ولا تزيد العقايــــــــد
واضحك عسى ايامك دايم سعيده

جد روعة يسلمو خيو