ياطـــير ماشفتلي شخصــن تمنيتـه
ماشفــت زوله ولاوقعـــــت فـي داره

مافيـه غيرك يجـب العلـم لاجيتـه
الله عطـــاك الجناح وبيدك إطيــــاره

أن ماتـــدله بوصفلـك خطــى بيتـه
بالله مره وعلمنــي عـن أخبـــاره

وإليـاتأخرت وجيـته طافـي ٍ ليتـه
أنطره حتــى يبان الصبـــــح بأنـواره

وأن جـاك باكر وصبحته ومسـيتـه
قله ترى عقـبك الأعصاب منهــاره

أكيـد مايـدري أن الدمـع هليتـه
مرتـــاح قلبه وقلبـي تشـتعـل نـاره

ياطــول درب ٍ على شانـه تعنـيتـه
لعيـــونه السود هانت عنـدي أخطاره

لرضـاه كل شي في يمناي ســويتـه
عســـاه يقبل خطى المشتــاق وأعذاره

ماغيـــره أنسـان ولعنـي وحبيــــتـه
ليته يروف بحبيـبن تاهـت أفكـــاره

يهتــز قلبي على طاريـه لاوحـــيتـه
تكفيـــه دمعة عـــيوني أن مر تذكــاره

ياليــــت ذاك الزمـان يعــود ياليتـــه
ياطيــــر قلـه تـرى الأيـاـــــم دواره

أن كان زعــــلان مني جيت وأرضـــــيته
يستــــاهل أني أبيع النـاـــس وأختـاره


أخــاف لاشفـت خلـي ماتعــديتـه
تعجبك روضة رياحــينه مع أزهاره


هـذاك لاولعـك ياطيـــر وأغــليتـه
أكيد تنسـى حكي من دلـك إديــــاره

يا سلام .. اليوم نبطية نور
كلمات حلوة ,, بس عنجد فاهمة معناها؟؟