هاي أم البنين الوافن الزهره --- هاي الطاهره المنكوبه والحره --- انتي أم الصبر وأم الوفه والجود --- والمثلج تجود بروحهه امن تجود --- وسط
كلبج حسين بكل وكت موجود --- حب حسين ابو السجاد عالفطره --- عالفطره ومواقف ذكرت البرهان وظل طف كربله الهذا الوفه عنوان --- تبرعتي ونذرتي أولاادج الشبان فداء حسين وربنه اليعلم بأمره --- من سار الضعن مر بيج هالاحساس هذا اخر وداع وما خبرتي الناس --- شفتي الرايه بجفوف الكمر عباس --- وكفو من الغيور وكافل العتره --- كفو من الكفل زينب لان وافاج وكال شما أمرتي يمه عد عيناج --- مثل حيدر أصير وخل تكر عيناج --- مهو العباس يوفي من يدك صدره --- شصار بكربله يالحره ماتدرين بدربهه اعيونج تشوفين شتشوفين --- ما يرجع ضعنهم ليش تنتظرين وبوسط القلب من الحزن جمره --- ياجمر الحزن والنار لهابه خصوصا عالذي ينتظر احبابه --- تظل دمعتج من تجي الاخبار ويخبرج بشر علي جره والصار --- يم المشرعه ظل ابنج المغوار وانكطعت جفوفه اليمنه واليسره --- وعن حسين شيخبرج ويحني اضلوع ومن خل تسيل دموع من دموع راسه اعله الرمح يالطاهره مرفوع وسيف الشمر يا وسفه كطع نحره --