صباحكم/مساكم. أمل وإبتسامه وفرح ومسرات







لاتحسبين العرس توفي وكتكات......ولاتحسبينه توكس والابونتي

ولاتحسبين العرس كيكه وطرطات......وصلة قطعتيها ووصلة بلعتي

ولاتحسبين العرس تصفيق وإصوات......وانت على صوت الغطاريف همتي

ولاتحسبين العرس كوشه ولمبات......انت كما الطاووس فيها جلستي

ولاتحسبين العرس إحلام في الشات......ياما بنيتيها وياما هدمتي

ولاتحسبين العرس روحه وجيات......هيا اقضبي بيتك عسى مانهبلتي

ليله سعيده وانت احلى الجميلات......تشخص عيون الناس اذا حضرتي


( واللاينر) حطيه بلازيادات......لايخرب المكياج اذا دمعتي


(والمسكره) تحتاج. لطف ومدارات.....حتى يبان. الزين اذا رمشتي


(واللاسبريه) رشيه حتى البصيلات......يمسك شعرك زين لوكان زدتي

وترى(المحدد) فن يحتاج رسمات......يبان رسمه زين اذا ابتسمتي


العرس يا بنيه ماهو شعارات.....تفنى مراسيمه وتبقين انتي

ويبقى شريك العمر راعي الطويلات ......هذا هو العرس حقيقه عرفتي؟


اول نصيحه لك حفظالصلوات
صلي العشاء والفجر
في كل وقت وفي ليله العرس
الموفق بالذات
ادعي الكريم اذا سجدتي





والتعري لاترضينه عندالكوفيرات......ولبسك يملي العين اذا لبستي


واللي على زوجك تحرضك مرات......ارجووك شووتيهاا شوتت بلنتي


والصبر في العشره حتى الفتات......ياما حلا فعلتك يومك صبرتي


واذا حفظت السر مع المدارات......زوجك ترى في عيونه كبرتي


والسوق يعني هاه وقت الضرورات......والاترى زوجك يدور لمفتي


زيدي الغطايه وكثري في العبايات......والله يرضى عنك اذا سترتي



اوصيك بالكبسه وكثره اليدامات......حتى لووو انك من سببهاا متتتتتتتي



وخلي الرجيم اللي فشلتي فيه مرات......سويه مره واحده لاولدتي



أتمنى ردودكم