عزفت الحرف ونه وعلى الونه بكيت حروف
ولقيت الحرف يبكي ويسكن داخله خوف
هجر وشوق وحزن مكدسه صفوف صفوف
في قلب انكسر خاطره عقبكم صار ملهوف
وعين عقب فراق محبوبها عيت عن الشوف
يا قو قلبكم عقب رقته صار مثل الحجر مرصوف
وينها عهودكم بالوفى لقلب بعدكم صار معصوف
قلب تحرقه نار شوقه ودموع الندم تحضنها كفوف
جفت بساتين ازهاره وسقيتوها السم بالمشوف
ولا شكت تلقى حروفكم طعن خنجر تليه السيوف
ابي اقول مليت وتغربت وحياتي كلها خيالات وطيوف
ترجعني الذكرى وابتسم لا ذكرت عهود مرتني وحلوف
تصدقو بكيت الحرف ودموعي على وجهي المخطوف
وبعدكم اختفى من الحب معنى وصرت عنه بشدوف
وبليلي تسايرني الونه على الدمعه واشكي العمر نصوف
يكفيني ضيق الوقت ومواجع اعلنتها بعنوان خبر معروف
ماهي خباله ولاهي مواقف ارتجي منها وتقولون مشروف
وماهمني من الليل غابر ولو قلتوا فيني نطف وانه قصيدي نطوف
انا بسامح ولا مره كنت بحقكم جارح واكره الحرف لا كان ملفوف
طبعي كذا من الاخر وحقي به اتفاخر ما ارضى اكون حرف جر ولا واو معطوف
صدقوني تعبت اكتب وتعبت اوزن قافيه وادور للمعاني حروف
وتكفيني الهموم اللي اسهرتني صرت عقبها منحوف
والفرح عيى يجيني وكل ما ابتعد اسمع خطوته ورى الخطوه دفوف
بالنهايه ما اقوى على شي يكفي لربي ارفع كفوف
وقول يالله انت قادر تجمع قلوب على فراقها مر الوقت نوف