``°•.أحـلـى قـصـيدة قـرأتـہـا.•°``

مرت تجر العطر والثقل والزين
وأنا مثل كل الشباب وقفوا له
عطره يذر العطر على البساتين
ثقله يسولف عن نسب عن حمولة
فستانها ذايب بخصره من اللين
وخصره من الفستان ياخذ عمولة
عز الله إني حاسدك يالفساتين
يا حظك بخصره!! بعرضه ! بـ طوله!!
بعيونها سيوف العرب يوم حطين
منها النفاذ (بجلد قلبك ) بطولة
أقفت وأنا عيني عليها لهالحين
مالوم عيني (ياخذ العقل)زوله
وناديتها (يامترفة)وبطرف عين
قالت:أنا قلت :إيه ؟ قالت أموله!

أموله ميّة مرحبا قالت: أهلين
أموله عندي بيت ممكن أقوله ؟
قالت لي قوله قلت الإنسان من طين
أما إنك أنتي طين ما هي امْعقولة!!
أنتي أظنك بالعطر تستحمين
وأجزم بأنك بالجمال امْغسولة
شوفي شكل شفايفك قاهر التين
والجمر يكوي والثمان امْعسولة
أموله أنتي غير كل المزايين
أنتي مثل فصل الربيع وحلوله
قالت:منين ؟ وقلت له يعني منين
ما تعرفين اللي ذبل!! من ذبوله!!
قالت وش إسمك بس تمتمت(ميمين)
وآخر ثلاث حروف ((دوح )) امْغيوله
قالت معي للقاهرة قلت له وين ؟
عادي تقول القاهرة بكل سهولة
(أمل )أنا رجال بلشان بالدين
ويني ووين القاهرة (يامْهبولة)
أقساط وحسابات والراتب الفين
وحزمة مشاكل أتعبتني حلوله
أمولة روحي لازم أنتي تروحين
أنتي المطار مصاحبك من طفولة
تذكريني عند الأهرام تكفين
تذكري حال النحيل ونحوله
أمولة أنتي تذكرة لا تحجزين
روحي كذا تستقبلك أي دولة
...