ضحكة جروحي!!!

أسامر دمعتي ولا أباكي ضحكة جروحي
أداري من سقا وحطم بساتين الفرح فيني


أروح ألملم همومي وأهدم مبنى من روحي
وأنشف دم من جوفي ندم مافات (ف) سنيني


سرحت في نفسي أعاند وأقول هو يمكن مزوحي
أثاري كلماعشته سراب ومر من حيني


ودام إني على طيبي يلازم قلبي النوحي
وحظي دايمن يردى وأيادي الذل تلويني


أحبه وصار يكويني..وتركه لي أنا بروحي
ظلمني وشتت أفكاري بسؤالي ليش يدنيني


تلاشى كل احساسه وصرت عن قلبه منزوحي
وطحت (ف) يومها والله ومنك كثرت سكاكيني


نحرت الحب لي حبك ولك في الحد مسموحي
تواعد قلبي وتهده وطينك امتلا بشيني


حسبتك إنته ضحكاتي ولك كنت دايمن بوحي
بعدت عن دنيتي وارسيت وصد قلبي يواسيني


رحلت من كنت تحويني وتارك عالمي ملوحي
حسافة صرت غلطاتي وكنت منها تصحيني


قهر لي صرت لمحبوبي كتابن حرفه ممسوحي
وأنا من علمه يجرح ويغدر في اللي يأذيني


ولكن صدمتي هانت وتكسر فيها جنوحي
وشعوري آذى من حولي أفكر باللي يعنيني


(ف) يوم اللي كشفتك فيه وصار الخافي مفضوحي
ألا ياحسرتي فاللي عطيته حبي وطيبي


هدمت قدامي أحلامي وصار صراخي مبحوحي
وإنته ملتهي بغيري ونار القلب يغزيني


غلطت لأني رفعت شانك وشلتك فوق اصروحي
وتركتك تملك الاحساس وأوهم نفسي ترضيني


خسرت اليوم من حبك..وبيدك صار مجروحي
وأنا أدري بترجع لي وتقول لي لاتخليني