بسم الله الرحمن الرحيم



من غير مقدمات كتير



عايزكم تتخيلوا معايا كدة كل اللي هقوله



تخيلوا انكم هتعيشوه في يوم من الايام



تخيل كدة معايا إنك ممكن تعيش العمر كله شباب



مفيش موت مفيش مرض مفيش هم مفيش اكتئاب



الحياة كلها فرح كل الايام هنا وسعادة



تخيل كدة لو إنك صحيت
في يوم من الأيام وانت الملك
{ والمُلك لله وحده }



أنت اللي تؤمر وتنهى عندك
الخدم و الحشم زي ما يقولوا



عندك كل اللي انت بتتمناه
وكمان اللي عمرك ما تمنيته



تخيل كدة معايا إن اللي بتحبها
واللي بتحبيه معاك/ي دايماً



شايفهـ .. و .. لامسهـ .. و .. حاسهـ



وكمان شايف إن مفيش أجمل منه فـ العالم



تخيل كدة إنه يتقال لك آآمر وآمرك مجاب



تخيل لو اللي فـ بالك يحصل قبل ما تطلبه



لا لا وكمان قبل ما تفكر فيه كمان


تخيل كدة



حتى لو إن كل اللي
قلته فوق ده كله خياااااااال



لا مش معنى كدة انه مش هيحصل



بالعكس معناه إن كل اللي قلته ده شوية من كتير



لأن كل اللي قلته ده من
خيالي ومهما كبرت بخيالي فمداه قصير



لأن هناك لا عين رات ولا أُذن
سمعت ولا خطر على قلب بشر




أيوة أنا بتكلم عن الجنة
بتكلم عن حياتنا التانية


تيجو معايا نتخيل سوا
الجنة ممكن تكون ازاي



جنة عرضها السموات والارض



وكمان مهما تخيلنا ومهما
قلنا فـ اللي فـ الجنة أكتر بكتير



تخيل/ي لو إنك دخلت الجنة



أول ما تدخل الجنة




عايز تروح فين ؟!




كل واحد فينا عارف طريقة
وقصره فـ الجنة زي ما هو عارف بيته فـ الدنيا



هتروح لقصرك ع طول



ولا هتروح لضفاف الأنهار اللي قدام القصر



أنهار مسكوبة تجري من تحتك



أنهار من لبن



أنهار من خمر



أنهار من عسل



تخيل كدة لو إنك تشرب من الكوثر أو السلسبيل



عينك تتلذذ بالمناظر ...



الفرحة دايما غامرة قلبك ...


فـ الجنة مفيش شمس
والنور يأتي من عرش الرحمن



مفيش حر ومفيش برد



{ لا يرون فيها شمساً ولا زمهريرا }



.....


كل الناس شباب



أنت .. ابوك .. جدك .. ابنك .. حفيدك .. زوجتك .. صاحبك



كلكم سوا كلكم عارفين بعض



مفيش تعب مفيش مرض مفيش
أي حاجة غير الفرحة



تخيل كدة لما تقعد مع
أهلك فـ الجنة وأصحابك



تسألهم و تكلمهم



فاكرين لما كنا فـ الدنيا نصلي
و نصوم و نصبر و نحج
و ندعي ربنا و نبكي من خشية الله



الآن عوضنا الرحمن ..



حمداً لك يااارب ..


.....


الرجل يأتي لقصره فيجد الحور العين



أيوة الحور العين .
اللي لو بصت للأرض تضيئ بين السماء والأرض



تحضنها 40 سنة من
غير ما تسيبها من جمالها من حبك ليها



وإنت حاضنها وتشوف نور
وتفتكره مَلك وتبص تلاقيها
حور عين تانية أجمل من الاولى تجري عليها



وتشوف نور أشد و أجمل
من جماله تفتكره ربنا عز وجل



ولما تبص تلاقيها مراتك اللي
كانت ف الدنيا أجمل من الحور العين كلها



هي.. سيدة الحور العين كلهم



....



طيب قولي سمعت عن الأشجار ف الجنة ؟!



الاول شجر الجنة كله ذهب



ظل الشجرة ف الجنة يمشي
اللي راكب فرس تحتها 100
سنة وانت لسة ما خلص ظلها



يالله ما أحلى الجو ما أحلى الجمال



أنت قاعد في جنة عرضها
السموات و الأرض ودي
بتاعتك انت لوحدك .. أه وربنا



تراب الجنة نفسه من ذهب



وبرضوا ده كله مش حاجة
من كل اللي هنشوفه فـ الجنة



اللي هنشوفه أحلى بكتير قوي من ده كلها



فـ الجنة وانت فـ النعيم
واهل الجنة كلهم ف الجنة


يؤتى بكبش وتسأل أتعرف ما هذا ؟!



وتجاوب أنت و أهل الجنة نعم إنه الموت



فيذبح أمامك ويقال لك نعيم بلا موت خلود بلا موت



يالله ع الجمال و الرحمة
و النور و الهدى و الراحة اللي هنعيشها



لا لا لسة مخلصش الكلام
تخيل لما تيجي قدام ربنا ويقلك أطلب وتمنى



وأنت من خجلك مش
عارف تقوله إيه ولا تطلب إيه



ومن الأدب تقوله عايز
رضاك عني بس يارب



ربك يقولك لو ما كنت
راضي عنك ما دخلتك الجنة ..



ويسألك تاني أطلب تمنى نفسك في إيه؟!



تقوله عايز أشوفك يااارب



فيكشف الحجاب عن رب العزة



تخيل كدة لو أنت تنظر للخالق



{ وجوه يومئذ ناضرة . الى ربها ناظرة }



يالله ما أحلى ذالك النعيم



مفيش نعيم أحلى من كدة هتشوفه



وفي زيادة عن كدة بكتيييير



{ لهم ما يشاءون فيها ولدينا مزيد }



.....



على فكرة أنا مش خصلت
لكن لو تكلمت من هنا لسنين
قدام عمري ما هخلص الكلام



بس في كلمتين بس عايز اقولهم
لك قبل ما أنهي الموضوع



عرفت الجنة وعرفت اللي
هتشوفه وكمان كل اللي قلته قليل



عملت أنت ايه عشان تعيش في ده كله ؟!



كلنا ف الدنيا بنشتغل ونتعب عشان نرتاح بعدين



لكن عشان توصل للجنة مش
محتاج أكتر من إنك تمشي صح



ومش معنى إنك تمشي
صح إنك مش تتمتع بالدنيا



بالعكس الاثنين مكملين لبعض



افهم كلامي كويس وعيش عشان ترتاح