كرّهتني قربك وأنا بـ أوّلك ..،

تاريخ التسجيل : 21/03/2011

*،

اسمك اللي بقى غصّه بـ : حلق الكلام
آسف ان عفتني .. واسف لو اشتقت لِك

للحنين الصور .. لـ احزان قلبي / سلام
اللي ضااقت بها : الدنيا .. وتتحمّلك !

إنت لو مالك فـ قلبي الكبير احترام
[ كان ما طاحت الدمعه وانا اتخيّلك ]

وإنت سخّرت لك عمري : رضا واهتمام
[ كنت خايف عليك أكثر من الحاجة لك ] !

وإنت رتّبت عذر فراقنا قبل عام ..
وقتها : ماتت أحلامي .. ولا قلت لك

رغم هذا الحزن فيني " عليّ الحرام "
أذكرك .. وأدعي : ياجعلي ما أذوق زْعلك

فات ما فات من جرح وعتاب .. وملام
ومآ أدري أهملتني ..؟ ولا القدر ما امهلك !

ودّي اروح واتوسّد يد امّي .. واناام
يا الحبيبه .. وانا ميّت قهر بـ اسألك :

وش بقى للمشاعر ؟! وش بقى للكلام ..!
وإنت كرّهتني قربك وأنا بـ أوّلك

كان غيري معه " شوق " و " حنين " وغرام
لو عطى ربـع مما اعطيت : يستااهلك

وافترقنا .. وفي صدري [ حمامة سلام ]
الله يبيح ما جا منْك ويحلّلك ..