دنيه دون حسين

تاريخ التسجيل : 08/11/2013

وَحَـگ مِــن سَـــوّه السِــمه وعـَـلّاهـَـا
الدنيـَـه دُون حســـين مَــانِــهوَاهـَــــا
*******

وَحَــگ من سَــوّه السَــماوات السـَــبع
غيــر نـُــورك يبــو اليمـّــه مايشـِــــع
بـگلـــب من وَالاك يــَـــاأطــهـَــر نـَــبع
وغيـــر ذكـــرى امحبـّــتــك تلـگــــاها
*******
دنيـــــه مــابيـــهه ابو اليمــّــــه تظــل
عـَـميـَــه تفتـَــر بدَيـَـــاجيــر الجـَـــهـل
وابـَــد مــابيهـــه ثـَــــواب ولا عمـَـــل
واحنـَـــه ابـَـــد مــانفتــِـــهم معنـَـــاها
*******
حســـين ربـّـه ابفـَـضـل وَارِف شَــرّفه
تحـَـت گـبتـَـه الطـَـلـَب مضـمُون الوِفه
وتِربِتـَــه بهالكـون بس بيهــه الشِــفه
والأمـَــــامـَـه ابشِـجرِتـَــه خـلّاهــَــــــا
*******
الدنيـه دُون دمـُـــوع وونِــين ولـَــطـم
على ابن ســـيد البريـّــه المِـــنهـِـــظم
ابفِـلس ما نِـشــريهه لن چنهــه عـَـدَم
ورَيــت وَلــّـــت واختــــفى طـَـــرواها
*******
شلون ننسَــه حسين ابن حَامي الدخيل
واهـوَه قبلـَـة شُــوگـنه وشـَافي العَـليل
مســـــتحيل ايصـــير هــذا مســـتحيل
لا وَحَـــگ زهـــــرَه البتــــول وطـــــه
*******
حســـــين عـلـّــمنه نـِمُـوت ومانِــطيح
اجبـَـــال بالشــدّه أبـد متهـِــزنه ريــح
ومِــن هـتـَــفنه يـالِــثارَات الذَبيــــح
اهتـَـزّت الـگــاع وغـَـضـَـب غطـّـــاها
*******
حسين يجري اويَانه وَي مَجرى الدِمه
والـگلـُـوب ابشـُــوگ حبـّـه امتـَـيـّـمه
الهالسـَــبب مَـتمـِـسـنه نـَـار الحَـاطِـمه
لنــَـــه بالــروح وجـِــرَه ابمـَـجــراها