أبي أعزي الدموع الي غشت خدي

تاريخ التسجيل : 13/01/2011

ابا أعزي الدموع الي غشت خدي عقب فرقاك
وداوي نزف جرح انسان دمه من شراييني

وعز النفس عن حبك مدام اني عجزت اللقاك
تعبت من الصبر واتعبت من كثر السهر عيني

تعبت استعطفك وارجيك وامشي في سبيل ارضاك
وتلعب بي على كيفك تبعدني وتدنيني

تحملتك وانا صابر وادورلك عذر يبطاك
ولكن مانفع صبري معاك واليوم يكفيني

خلاص اليوم قررت انسحب من دنيتك وسلاك
ابرحل مالتفت لو صاح صوتك يناديني

ابرحل للبعيد الي ينسيني اسى ذكراك
وبترك كل شي منك لشفته يبكيني

وبخفي عنك وين ارحل ولا تسال على انهاك
اذا قادك فضولك يوم انسى انك تلاقيني

بعوض مامضي لي من سنين عشتها وياك
كفى ماضاع من شانك من احلى واجمل سنيني

ابركب مركبي وابحر ودورلي بدل مرفاك
شواطي كل كئيبه حطمة كل الامل فيني

بكن الهم في صدري واسافر للبعيد هناك
عسى الايام و الغربه من جروحك تداويني

صحيح فغربتي بتعب ولكن في سبيل انساك
بعزي ب الصبر نفسي ولو محدن يعزيني

نعم مليت نكران الجميل وطبعك ومبداك
وقلت البعد عنك ارحم مدامك ترفض اتجيني