عايزة تبقي ماما

تاريخ التسجيل : 08/09/2011

عايزة تبقي ماما

عشان تبقي ماما مش يعني يبقا عندك نونو
و تلبسية لبس حلو و خلاص و تهشتكي وتقولى كوتو موتو يا صغنتوتو

... عشان تبقي ماما
لاااازم تكوني حمولة عشان تستحملي الزن
و تستحملي السهر طول اليل لمدة اربع شهور
وتستحملي السهر لو البيبي تعبان طول الليل جمبة

لاااازم تكوني هادية
عشان متتعصبيش لما يعمل مصايب
عشان لما تسهري متهنجيش وتتجنني

لاااازم تستعدي
للنزول الساعه 2 بليل المستشفي لقدر الله لو البيبي تعبان
تستعدي انك تقريبا مش هتخرجي من البيت الا نادر
لحد ما يكبر بالذات فى الشتا

لااازم انك تقدري
تكوني تعبانه وتنسي تعبك عشان تهتمي بيه
تكوني نايمة وتصحي من عز النوم تبصي علية وانتى مش شايفة قدامك

لاااازم تنسي
تنسي الكلام فى التليفون بالساعات
تنسي الشاور الرااايق
تنسي الشقة النضيفه طول الوقت
تنسي كوباية النسكافيه السخنة
تنسي اروح لماما واروح لصحباتي كل شويه
تنسي الشوبنج واللف اخرك تنزلى عند عم احمد الى تحت تجيبي كل الى انتى عايزاه
تنسي بعزقة الفلوس دلوقتى فى مسؤليه بيبي هياخد كل حاجا
تنسي شغلك لحد ما يكبر على الاقل
اقولك
انسي نفسك عشان انا تعبت من الكتابة

كل دا على قلبك زي العسل مقولناش حاجا
تعالى بقا نبصلها من ناحية الزوج
اول كلمة هتخطر على بالة
(((دي نسيتني اول ما جابت بيبي وبقيت انا رقم 2 )))

مايعرفش انك نسيتي نفسك شخصيا وانك بقيتي رقم 3 مش بس 2

ياريت كل الازواج يفهموا المعاناة الى الزوجات بيعانوها
ويشتركوا فى المهاام دي كلها ولو بمشاركة بسيطة
من غير ما ينسحبوا ويبعدوا عن الام والطفل

لان اذا كنت ..انا الام ..فـــ .. انت الاب