يا كاشف الأبـراج خبرني

بعدو حبيب القلب فاكرني

بحق الإله كشوف هالأسرار

بيبقى بقُـربي أو بيهجرني

ونهار عم بيمر خلف نهـار

ماعاد قلبي يحمل ...أعذرني

سمعتها عم تسأل البصـار

خايفة وهالخـوف حيرني

قلتلها :

يازهرة ........ الأزهار

إلا جمـالك ... ما بيسحرني

بحبك نشيد تغردلو الأطيـار

بحبك خمر تايضـل يسكْرني

بحبك صـلا ... في معبد الأبرار

تاضـل صلي الجفن آسـرني

كرمـال حُبك بقطع الأبحـار

وبعمل بُحبك مجد قيس يذكرني

كرمـال حُبك بحجب الأنوار

تايضـل نـورك دوم غامرني

وكرمـال حُبك بسابق الأقمار

بغزي الكواكب ... باخد المريخ

خلي عيونك بس ..... تأمرني