تعبت اسقي ورود الغير..وردي ماعرفت اسقيه..



تعبت أكتب على اوراقك غرام وحضرتك تمحيه
تعبت اصبر وانا أتأمل تحس في يوم وش فيني


تعبت اضحك وجرح القلب تعبني ولا قدرت اخفيه
واداري شلون ياقلبي وحزني واضح في عيني




تعبت اسقي ورود الغير و وردي ماعرفت اسقيه
اطاوع قلبي المجنون واجني الهم بايديني


تعبت اشكي تعبت ابكي وجرح القلب كيف اطويه
وارجع وابتدي من اول وألملم باقي سنيني



تعبت اتامل اوصالك ودربك من كثر ما امشيه
تعب من خطوتي ورجلي ترا ماعاد تقويني



تعبت اقبل عزا في خافقي ياصاحبي وارثيه
حرام اشلون كل ما احتجت لوجود تخليني



ابا ارحل واوعدك قلبي اقص في لهفته رجليه
وابي ترتاح لاتسال بغير كل عناويني



وابا ابعد لاخر الدنيا مكان(ن)مستحيل اتجيه
وابي تذكر غرورك لي وقف مابينك وبيني



تعبت أكتب على اوراقك غرام وحضرتك تمحيه
تعبت اصبر وأنا اتأمل تحس في يوم وش فيني



تعبت اضحك وجرح القلب تعبني ولا قدرت اخفيه
واداري شلون ياقلبي وحزني واضح في عيني