السلام عليـكم ورحمة الله وبركاته



قد قابلت شخص لأول مره وحسيت تجاهه بإحساس معيّن وبعد فتره طلع احساسك بمحلّه ؟




قد صار لك انك شفت انسان لأول مره و ارتحت له ؟ لدرجة انك تحس انك تعرفه من زمااان ..




أو



شخص ماترتاح له وتقول : سبحـآن الله وجهه موب سّمـح ماارتحت له !



كل هذا بسبب حركات جسمـه اللي كان يسويها بشكل لا إرادي واللي كانت متناقضه مع الكلام اللي يقوله ..





في هالموضوع ان شاء الله راح نتعرّف على :


عِلم وفنْ لُغة الجَسد




ونفهم فيه بعض الإشارات اللي ممكن تصدر عن الآخرين بشكل لا ارادي واللي نفهم منها وش داخل هالإنسان بالضبط , أو وش يحس فيه





أول شئ لازم نعرف ..




ماهي لغة الجسد ؟



هي عبارة عن ارسال بعض الإشارات والحركات لتوصيل معنى معيــّن من خلال حركة اليدين و الوجه والأكتاف والعينين والقدمين ونبرات الأصوات مما ينعكس على حالات الفرح و الحزن والإعجاب وغيرها ..






أين نستخدمها ؟



في كل المجالات وعلى كل المستويات




سواء ً في حياتك الشخصية أو في حياتك المهنية أو حتى مع ضعاف السمع و ذوي الإحتياجات الخاصة ..








لماذا تعد لغة الجسد لغة يجب على الأغلب معرفتها ؟





1- لأنها لغة احنا نستخدمها كل يوم , ونفهم حركات بعضنا البعض بدون ما نحس



والدليل ان لو سألت احد عن شئ و جاوبك بهز كتوفه لـ فوق وهو ساكت


على طول بتعرف انه يقصد " ما ادري "




و لما الأم تأكـّل ولدها وفجأه الولد لف وجهه الجهه الثانيه اذا حاولت تعطيه ملعقه ثانيه


على طول بتفهم انه " شبع "




فـ عشان كذا لازم نعرف لو شوي من معاني بعض الحركات عشان نفهم بعض صح








2- بما أن الحركات اللاإرادية أو الغير لفظية أو غير شفهية يقصد فيها أي حركه أو اشارة تتم من خلال الجسد بدون كلام



والحركات الإرادية أو اللفظية أو الشفهية يقصد فيها اي كلمة تقال ..



فـ علماء علم النفس من خلال ابحاثهم يقولون ان حوالي 75% من تعاملات البشر مع بعضهم تتم بصورة لا إرادية


وأكيد 25% تكون بصورة إرادية ,



وهذا يخلــّي الحركات اللا إرادية يكون لها أثر أقوى بـ 5 مـرات من الأثر اللي تتركه الكلمات







ما هي وسائلها ؟




غالبا ً ما تكون من خلال :


نبرة الصوت





حركة اليدين




الأصابع





العينين <- هذي لغه لحالها





الأنف





طريقة الجلوس





الحواجب





كل وضعّيـه ولها معنى معيّن ..





وبنجيب ان شاء الله آكثر من وضعيه مع تفسير بسيط لها



طبعا ماراح نقدر نجيب كل الوضعيات ولا كل المعاني لأن زي ماقلت لغة الجسد تعتبر علم





صارت تدرّس في المعاهد والجامعات ..




بس ان شاء الله بنجيب آكثر الوضعيات اللي راح نستفيد منها وفي الأخير


بنحط لكم الكتب اللي اخذنا منها المعلومات , واللي يبي يتوســّع في الموضوع اكثر واكثر







قبل لا نحط بعض الوضعيات



ابي اوضــّح شغـلتين جداً مهمينْ :




لو قعدت تقرى سنين في الكتب والمقالات وتدرس تفسير لغة الجسد ماراح تقدر تترجم حركات اللي قدامك بسهوله


المسألة يبغى لها تركيز و استمرار ملاحظة







ثاني شغله :



اهم خطأ ممكن يسويه المبتدئ في ترجمة لغة الجسد انه يترجم حركة عضو واحد منعزل عن باقي اعضاء جسم الانسان او الظروف اللي تحيط فيه !




مثلا ً :



لو واحد حك راسه ممكن هذا الشئ يعني اشياء واجد :





النسيان او الكذب أو عدم التأكد .... !






هذا يتوقف على باقي حركات جسمه شلون ?



يعني لو حك راسه مثلا وفي نفس الوقت حركة حواجبه كانت بشكل معيّن


وجا واحد ثاني وحك راسه لكن حركة حواجبه كانت بشكل ثاني


هذا يعني ان كل واحد كان يحس بشئ غير




مشكله صح





قلت لكم مو سهله