كلش بتصالك واضح الصوت
بس مو واضحه كلش نبرتك

فرق كلش چبیر ابین الثنین
حرورة دمعي وبرودة ضحكتك

صوچك علمتني افتهمك بساع
تسكت وفتهم كلشي بنظرتك

أمسح جفن عينك من الدموع
گبل لا تخنگ بصدرك عبرتك

فهمتك وانه گلبي يعجبك بهاي
صوتك يوصله حتى بسكتك

ولا تعتذر عذرك عندي مقبول
خلهه مساتره وهيچ افتهمتك

بعد لا زم وراي ارجع للحلام
أرد امسح صور بيهن رسمتك

أجيت ابالي مره وصدگت جاي
بچیت وشبگة مسودن شبگتك

شبعد عندك حچي وشراید تگول
ترید تعوفني وصلت فكرتك

حبيبي ادلل ادري تريدني انساك
عفواً قصدي تدلل حضرتك

مدري شجابني وگلت اتصل بیك
أجه الليل وچنت وحدي وذكرتك

عرفتك من ردت تحچيلي موضوع
حچیته وغلبت حروفك حصرتك

وعرفتك من حچیت بطاري الوداع
عرفتك يمكن تطول سفرتك

قفلت احلامي والخط بعده مفتوح
وگلتلي وياي گتلك أي سمعتك

ردتني اوصف وكتهه احساسي وياك
وردت تعرف الحصلته بعشرتك

وبچیت وگتلك انته تخيل تكون
بنص المعركه وعثرت مهرتك

على كل الخلص من عمري ندمان
وعلى كل الوصل منك شكرتك

وهي حيره منودعك أرجع منين
ولمن جايك ولمن تركتك

منرد للشمس هسه بعيني ما شوف
يليل نسيتهه بكد ما سهرتك

يالحالفلي بس ما تارك شهود
بس فراشك وحايط غرفتك

انعم الله عليك گتلي وانه ممنون
منك علوفه الشفته بعشرتك

وبعد ماتفرق انته تعود لو لا
على كل حال من عدهن خسرتك

على كل حال من عدهن خسرتك