بعرش غدر اليالي من ربعنة
الف صاحب شرينة من ربعة
سبب جرحك يكلبي من ربعة
ابد مالة شماتة اجروح بية


ابد مالة شماتة جروح تذكار
فقط كلهن لربعي وياي تذكار
نويت اتركهم وكصيت تذكار
اسافر قررت بأول منية


اسافر قررت من غير ماعد
وبعد مابية اعد اجروح ماعيد
حجيت ووضحت معناي ماعيد
اخاف احجي وتفز اجروح بية


اخاف احجي وتفز جروح جسرة
وجسر سويت لمكسور جسرة
اجس جرحة براهوت جرح جسرة
على جتافي وزرع عبوات بية


على جتافي زرع عبوات ثارن
صدك لا ماعرفت اختار ثاران
ولرد من يخون الزاد ثارين
ثار اكتافي والكنا سوية


ثار اكتافي والكنا يردن
حرب ويكعد ابروحي يرى دان
اون بصوت وجروحي يردن
لحد ماوكعت اعيوني بدية


لحد ماوكعت اعيوني بجتلة
ويدية كم سهم منة بجتلة
لون رب العرش يرضةبجتلة
اسويهة وكتلة ابوذية


اسويه وكتلة بسرانة
دهن ماخلي حالف بسرانة
بعدهن جايتة بسرانة
حكتهن بيت بيت بذني ادية