اعرف انك تخون..
تستغفلني
تستغل قلبي الحنون

حاولت تخدعني بمعسول الكلام!
ليه؟ تحسب الطيب اهبل؟
أو تظنه مجنون؟

لكني ما أخون.. مو لاني مااقدر
إلا أقدر
وفيه غيرك مليون

اعرف انك كذاب.. وبالحب لعاب
اعرفك نصاب

انا مو مثلك
مااغدر.. مو لاني مااقدر
بس لأني مو من هالنوع.. مو من هالمستوى
ولا حكون

أصلا ماتخون
إلا لأنك متخلف
ناقص مريض سعران

الحب عندك احتياج خاص!
بضاعة تبيع فيها وتشتري
سلعة تتنقل بين المشترين
مين يدفع أكثر؟!!
أهم شي مصلحتك
فين بتكون؟

اش فهمك في الإحساس؟
في المشاعر .. في الحب والإخلاص؟
انت خلاص,,
ماعدت انسان

صح..
انا كمان مو ملاك..
اخطأ .. افقد اعصابي
اعترف.. ردات فعلي مجنونة
لأنك تهمني.. لانك وحيد عمري
مايكفيك اني اهتم فيك
بجنون؟

كان ذنبي اني دايما اهرب منك.. ومن نفسي
خفت لو قربت منك
للأمانة أخون

ولا يمكن كانت غلطتي انك دلعتني
ماخليتني أكبر
إلا على صدرك الحنون

للأسف ماحطيت بحساباتك
انك معي بتكبر.. وبدمك انا اجري
انكر.. اعترف.. كله واحد
ماضي, راح....
صار في القبر مدفون

بنيت لك قصر, في عالمي البريء
نسيت انك في عالم الأموات للأبد مسجون

تخطئني لأني اتمسك بالأخلاق..
يمكن زليت.. نسيت
>>الله يغفر لي
لكن ماعمري كملت خطوات
يقودها الهوى وشيطان ملعون

مارضيت بالرخص ماتنازلت عن حقي
ماسمحت وحدة من عشيقاتك أكون
لا باسم الحب ولا بمبرر الجنون

روح
كمل خيانة.. انسعر طول عمرك
اعبد الأنثى.. اعرض نفسك على كل ساقطة
لا تفوت أي تاء تأنيث إلا ونالت منك نظرة
أو حتى بصقة مغلفة باسم اللطف واللباقة
وحسن المعاملة
أو اي اسم
حتى التلاعب بالكلمات, وتغيير المسميات
له فنون


لا تحسبني تكسرت و مااقدر اكمل طريقي..
بالعكس

ما أقول إلا
الحمد لله ^_^