قصة حب والعمر احبك

تاريخ التسجيل : 06/04/2013

قصة حب والعمر احبك

قصائد لبدر بن عبدالمحسن

(قــــصة حــــب)

فـ كل قصة حب أحلام ومدينة ..
ليل ونخيل وهبوب ..
لكل قصة حب لو كانت حزينه ..
أجمل ألوان الغروب ..
ناظري ضيّ الحوانيت القديمه ..
ونقش أبواب البيوت ..
كلها شعر ومواعيدٍ قديمه ..
وصوت قلبـي اللي يموت .. وما يموت ..
لكل قصة حب .. عذال وحسود ..
ليه تخدعنا الأماني .. والليالي السود .. سود
إشعلي جمر العناد .. قربـي معاد أشوفك ..
لا يفرقنا السواد ..
ارسمي وجهي بكفوفك ..
ولا تجرّحنا عيون الليل .. وحروف النميمه
ولا يعذبنا السكوت ..
إن عطشنا أو شربنا الدمع ديمه ..
للهوى بنحيا ونموت ..
لكل قصة حب أشواك وورود ..
وليه نصرخ من ألمها .. وكلها تنبت في عود ..
ناظري هذا قمرنا لو تغطيه الغيوم ..
وناظري هذا شجرنا مهما تحرقه السموم ..
ولو تجرّحنا عيون الليل وحروف النميمه ..
ولو يعذّبنا السكوت ..
إن عطشنا أو شربنا الدمع ديمه ..
للهوى بنحيا ونموت

(الــــعمر أحـــبك)

لليل احبك مابقى فـي السمـا نـور
والى ضواني الليل .. للصبح أحبـك
واللحظة اللي كلهـا عنـد وغـرور
أشوف قبري بين عينـك .. وقلبـك
في صدري سراجٍٍ حزينٍٍ .. ومكسور
رغم المطر والريح .. شلته في دربك
والله مابـه غيـر لوعاتـي قصـور
وخوفـي عليـك الله ربـي وربـك
ما بي جهد ابني على صمتك جسور
لا حيرتني أسباب سلمـك وحربـك
العمر أحبك .. مابقى فينـي شعـور
والى جفاني العمر .. وشلون أحبـك