ببعده كم غفا جفن الظلام

ببعده كم غفا جفن الظلام وعيني تصحيه
وفي جفني خيوط النور عيت تبدي اشراقه
تمدد ماضي الذكري بصدري والوله يحنيه
وشي من خريف العمر طاح وجفت اوراقه
لكل الله يالسهر عفته ولالي حاجة لي فيه
سوى ظن تجاذبني باني مسهر احداقه
وباقي للغلا زهر يجف وروحي تغذيه
وكيف اقواه لو يجفا ونبض العرق يشتاقه
بحلو الحب يبداني وحبي بالشقا ينهيه
واانا الي اشهقه عشق بصدر ينوي احراقه
اشوفه في خيال الفكر كنه مربي وادعيه
وكن الليل والشمعه ودمعي ما يبي فراقه
طلبتك ما بقى شي بفكري عن حدود التيه
سوى نظرات تحييني وتفتح للامل طاقه
بالهام القصيد الي بروحك داخلي تجريه
كتبك حس بحروفن وشوق جفت ارياقه