مستحيل انساك لو تنساني (زينب والحسين)

تاريخ التسجيل : 25/12/2010

مستــحيل انســاك لــو تنســاني ** عـَـنك ابعــيده الـزمــن خــلاني
منشغل بالـك علـيه .. ياحسين
وانه ماظل بال بيه .. ياحسين
ــــــــــــــــــــــــــــــــــــــــــــــــــ ــــــــــــــــــــــــــــ
انه مهمومه المصابك وانته مهموم الرحيلي
راح تبقه وراح اروح وبعــد ماظـنك تجيلي
گـــتلي اطلبي انه شطلب انته عـلام ابدليلي
كلشي ما اطلب يخويه بس اريدك تندعيلي
ايخفف الباري ابغيــابك ناري ** شلون اصبر من اطب الداري
وانته برض الغاظريه .. ياحسين
وانـه ماظـــل بال بيه .. ياحسين
ــــــــــــــــــــــــــــــــــــــــــــــــــ ــــــــــــــــــــــــــــ
انه من ارحــــلت عنك ابـــد مَمفارك خـيالي
ابكل كتــر وياي عايش تــشهد اعـليه الليالي
تعلم ابهالدنيه خويه غير شخصك انـي مالي
من كثـــر دمع الجريته حتى چتــالك بچالي
مثل طبعي طبعـــك وحــسيته ** دمعك الحــالي يخويه اجريته
من رحت عنك سبيه .. ياحسين
وانه ماظـــل بـال بيه .. ياحسين
ــــــــــــــــــــــــــــــــــــــــــــــــــ ــــــــــــــــــــــــــــ
عاهدت روحــــي يخويــــه ابعـهد مـن وانه زغيره
ما اعــــوفك حـَــــد مماتي النظــــر عنك ما اديره
ابكربله لا ما تركـــتك هــــمه اخــــذوني اسيـــره
اوياي راسك شاف حالي صرت بعدك بَشد حيره
ابقــــه يمــــك والله ماتــــركــــوني ** ردت اغــــسلك من دمـوع اعيوني
لاتظـــني مو وَفـيه .. ياحسين
وانه ماظل بال بيه .. ياحسين
ــــــــــــــــــــــــــــــــــــــــــــــــــ ــــــــــــــــــــــــــــ
تذكر ايـام الطـــفوله خويه مــن مرت علــينه
چــنت اسميك الحنين وهم تســـميني الحنـينه
وگبــل ماون من مصابي استمع گــلبك آنينه
عمري ذاك الخلص وسفه من يرجعله سنينه
اوياك ايام المظــت محلاهه ** انته هم ذاكرهـــه ما تنساهه
فرَقـــتنه هـــالمنيـه .. ياحسين
وانه ماظل بال بيه .. ياحسين
ــــــــــــــــــــــــــــــــــــــــــــــــــ ــــــــــــــــــــــــــــ
خويه هم مَر اعــله بالك يجي يوم وماتراني
انــه ما مـــتوقعه ابداً والله بــغيـابك اعـــاني
لو سئل شامت شكله راح ابو اليمه وجفــاني
هجرك ابزينب اشسوه إلم اعيــوني وعماني
انته صرت ابديره وانه ابديره ** اليبتعد واليـــهه تبقـــه ابحيره
شفت لوعات وأذيه .. ياحسين
وانه ماظل بال بيه .. ياحسين
ــــــــــــــــــــــــــــــــــــــــــــــــــ ــــــــــــــــــــــــــــ
الموت اهون خويه ليه ولا عشت كل هذا عمري
هالعمر لا ما اريد خلص مــن هالفرگــه صبري
غيرك انه ما اعيش ابحالي كلــش زيـــن تـدري
البيك يجمعني اعرف الموت هوه وهـذا قــدري
تدري روحي الشوفتك مشتاقه ** وانه ادري ابگــلبك وبشـواقه
انته هم حنــيت ليه .. ياحسين
وانه ماظل بال بيه .. ياحسين