فرض عالحاج ولائيه للعباس

تاريخ التسجيل : 25/12/2010

فرض عالحاج ولائيه للعباس

**********************

اليحج معلوم يذبح أضحيه بالحج وضحّه الكافل بهالحجه چفينه

انچان الحاج يذبح أضحيه النفسه ضحه چفوفه اخو زينب لاجل دينه

فرض عالحاج يذبح أضحيه وحده وابو الغيره نحر يسراه ويمينه

الكعبه اهناك صارت كعبته بالطف بيت الله يشوفه بشوفة حسينه

حماهه بدم وريده امن ابرهة سفيان وبسجّيل يحرگ كل مُعادينه

ضل منهج الهادي بزود ابو النوماس خالد للأبد وحده مضامينه

هوّه الجود ما يتعدّه راعي الجود گلّي يا كريم اليكرم سنينه

يسعى امن الشريعه للخيم أشواط واليحسب اشواطه الحيد ابو سكينه

آيات البرائه يردد بأبيات هوني يا نفس هل موعدچ حينه

ما كفّاه چفوفه انطاهن بهاليوم قدّمهن الهالخط هامته وعينه

*******************

يم الكعبه زمزم تنبع امن الكاع وزمزمنه انبعت من جربة الوفاي

ذيج انطاهه ربنه الزوجة ابراهيم وهاي انطاهه للشيعه المضه والجاي

ذيج انطاهه ربنه تروي العطشان وهذي نرتوي منهه فضل مو ماي

لأن المي مباح انبذل للحيوان من رب الجلاله عيون تجري اهواي

بس يبقه الفضل عد خيرة السادات من ينطي بستر ما يحرج العنّاي

من ينطي للكاصد جنّه بحر ومَد مو بس مال عنده يشفي من الداي

أذاً حكنه انتفاخر شيعه ليه انصير ونطعن كل معادي ورجعي فاگد راي

انطبعت صورته بعيوني والدلال من يوم الولاده سرت ويّه ادماي

أفتح باب گلبي وبيه أشوف اشكال بس ماشوف شي ممزوج ويّه احشاي

بس اسم الكفيل بهالحشه موجود مثل الضل الي ايباريني بممشاي

******************

لمن حست امه گرّب الموعد ندبت بالولادة والدة الكرار

كاللهه أندبي هالجنين اليوم أهو باب الحوايج بيه جثير اسرار

باجر يكصدونه الخايف وملهوف ويكضيهه الكلافه لليجيه محتار

مو بس هاذي عنده بالحشر وگفات بيهه يوافي عهده للمشاله وزار

اندبيه تسهل الطّلكه وحك عباس عنده منزله امن الواحد الجبار

وعد عندي ألج لمّن يجي الميعاد تشوفينه مزار اعله النهر ينزار

واخبرچ عنده شيعه تفدي لاجله ارواح وتگصدله لوَن تنزف دموم انهار

واحنه بهالجمع نقسم برب الكون نبقه بمعتقدنه الوكت مهما دار

المنبر يحجي عنّك جيل يتبع جيل ما يكدر يوضّح منكم المعشار

شاعر بيك يكتب هايم ومجنون والرادود صوته يترجم الأشعار

خدام المنابر تبقه بيك اسياد وبانوارك تضوّي وجوه كالأقمار

نضل بخدمتك موروث متواصل تتوارث الخدمه زغار من اكبار

*********************

تاريخ التسجيل : 18/06/2013

يعطيك العافية

سلمت اناملك

ودي,,,

تاريخ التسجيل : 25/12/2010